Руминияда бокс бўйича ёшлар ва ўсмирлар ўртасида ўтказилган “Dracula-2024 open” турнирида юртимиз вакиллари умумий ҳисобда 9 та олтин, 7 та кумуш ва 2 та бронза медалига эгалик қилган ҳолда, умум жамоада биринчи ўринни эгаллади.

Молдова, Польша, Қозоғистон, Греция, Руминия, Италия каби давлатларнинг маҳоратли боксчилари қатнашган мусобақалар сарҳисобига кўра, ўсмирлар терма жамоамиз 5 та олтин, 1 та кумуш, ёшлар терма жамоамиз аъзолари бўлса 4 та олтин, 6 та кумуш ва 2 та бронза медалини қўлга киритди. 

Ўзбекистонлик ўсмир боксчилардан Аҳадбек Ураимов, Муҳаммад Ризо Укимов, Қиличбек Тоҳиров, Ёрмуҳаммадбек Ҳусанбоев, Сардорбек Саъдуллаев олтин, Артур Кенесбаев кумуш, ёш чарм қўлқоп усталаридан эса Собиржон Тастанов, Самандар Олимов, Руслан Эсанов, Шаҳзод Полвонов олтин, Абдулазиз Абдуназаров, Мироншоҳ Норқосимов, Элбек Бахтиёров Шамсиддин Турсунов, Норбек Абдуллаев, Жавоҳир Меҳриддинов кумуш, Нодирбек Аллаберганов ва Акбар Аҳмадов бронза медалларига сазовор бўлди. 

Тўлқин Рўзиев, ЎзА