Tailandning Bangkok shahrida boks bo‘yicha yoshlar o‘rtasidagi yozgi Olimpiya o‘yinlariga yo‘llanma beruvchi "Futures Cup" xalqaro turniri vakillarimiz uchun muvaffaqiyatli o‘tmoqda.

Musobaqaning ikkinchi kungi bahslarida vazni -55 kg. bo‘lgan Bekzod Ismoiljonov senegallik Sall Mohamedni, -60 kg. vaznda Bobomurod Boymirzayev Xitoy Taypeyi vakili Sun Jao Tingni, 65 kilogrammgacha bo‘lgan vazn toifasida Ibrohim Shokirjonov xitoylik Abudujiyeli Kadiyerdingni taslim etdi.

Bugun, 10-mart kuni xalqaro turnirning uchinchi kungi dasturida quyidagi vakillarimiz jang qiladi:

-54 kg: Sabrina Chakomanova — Un Gyong Jon (KXDR).

-50 kg: Yorqinjon Abdug‘aniyev — Abdulvahab Omar (Livan).

-51 kg: Nazokat Mardonova — Ayыm Tankibayeva (Qozog‘iston).

-48 kg: Maftuna Musurmonova — Assыlay Murat (Qozog‘iston).

-60 kg: Rushanabonu Isoyeva — Bruk Miller (Yangi Zelandiya).

Javohir Toshxo‘jayev,

O‘zA