Айни кунларда республикамиз бўйлаб “Ёшлар ойлиги” доирасида “Янги Ўзбекистон ёшлари, бирлашайлик!" шиори остида турли хил тадбирлар ташкил этилмоқда. Шунга кўра, Тошкент вилоятидаги “Олмос” соғломлаштириш оромгоҳида республиканинг барча архивчилари иштирокида “Ёш архивчилар форуми – 2023" бўлиб ўтди.

Форум доирасида турли интеллектуал танлов, семинар-тренинглар, бизнес марафон, спорт мусобақалари ҳамда гала концерт ўтказилди.

– “Ёшлар ойлиги” доирасида ўтказилаётган мазкур тадбирлар  

ёшларни юртимизда амалга оширилаётган ислоҳотларга дахлдорлик ҳиссини ошириш ва ватанга садоқат руҳида тарбиялашда муҳим ўрин тутади, – деди “Ўзархив” агентлиги ахборот хизмати раҳбари Анвар Алиев. – Ўз ўрнида ёшларимиз ҳам ушбу форум ва танловларни қизиқиш билан қарши олмоқда. Бу уларга кучли мотивация беради.

Танловлар сўнгида ғолиб бўлган ёшларга эсдалик совғалар топширилди.

Гулноза Бобоева, ЎзА