Корея Республикасининг амалдаги Президенти Юн Сок Ёл 2008-2013 йилларда президентлик лавозимида бўлган Ли Мён Бакни афв этди, деб хабар тарқатди сешанба куни Yonhap агентлиги.

Хабарда кўрсатилишича, афв ҳақидаги қарор 28 декабрдан кучга киради. Ли Мён Бак коррупцияда айбланиб, 17 йилга қамалганди, бироқ соғлиғи ёмонлашгани боис  июнь ойида жазо ижроси тўхтатилган. Собиқ Президент икки йиллик умрини турмада ўтказди.   

Бундан ташқари, Кёнсан-Намдо провинциясининг собиқ губернатори Ким Гён Суга нисбатан ҳам  махсус фармон эълон қилинди. Ли Мён Бакдан фарқли равишда собиқ губернатор сиёсий рақиб бўлган демократлар лагерига қарашли.     

Ким Гён Сунинг икки йиллик қамоқ муддати 2023 йил май ойида тамом бўлиши керак эди. Лекин у 2028 йилгача давлат лавозимларини эгаллай олмайди.   

Ушбу икки сиёсатчидан ташқари, мамлакатнинг юқори лавозимларда ишлаб қамалган бир қатор собиқ амалдорлар ҳам афв этилди.   

Бу Юн Сок Ёлнинг иккинчи бор президентлик ваколатидан фойдаланиб, афв эълон қилиши бўлади. Август ойида у коррупцияда айбланган Samsung Electronics Президенти  Ли Чжэ Ёнга нисбатан ҳам афв эълон қилган эди.