Кенг миқёсли ёнғинлар ичида қолаётган Италия, Греция, Албания ва Шимолий Македони бу офатга курашда Европа иттифоқидан кўмак олади. Европарламентнинг тегишли баёнотида шундай дейилган.

“Грецияга Кипрдан икки самолёт ва иккита ўт ўчирувчилар гуруҳи юборилади”, деб ёзади ТАСС. Чехия ва Нидерландия Албанияга биттадан вертолёт юборади. “Европанинг ёнғин авжига чиқаётган ҳудудларига кеча-кундуз кўмак бериш тизимини ташкил қиламиз”, деди таназзулларни бартараф этиш бўйича еврокомиссар Янез Ленарчич.

Эслатиб ўтамиз, ўрмон ёнғинлари Италиянинг қатор ҳудудлари, жумладан, Сицилия ва Сардинияда ҳам бошланганди.