Тошкент шаҳар божхона бошқармасининг «Тошкент-товар» божхона постига хориждан келтирилган ва ҳужжатларга кўра «газ ҳисоблагичларнинг эҳтиёт қисмлари» дея кўрсатилган товарлар белгиланган тартибда божхона кўригидан ўтказилди.

Ўтказилган экспертиза ва идентификация натижаларига кўра «газ ҳисоблагичлар учун эҳтиёт қисмлари» оддий йиғиш усулида йиғилганида товарларни таснифлашнинг 2-а қоидаси бўйича тайёр товар сифатида таснифланиши маълум бўлди.  

Қонунбузарликка ўз вақтида чек қўйилиб, 2 млрд. 705 млн. сўмлик товарлар вақтинча сақловга олинди ҳамда товарларга нисбатан 516 млн. сўм миқдорда қўшимча божхона тўловлари ҳисобланди.  

Ш.Маматуропова,  

ЎзА