Пойтахтимиздаги Республика олимпия ва паралимпия спорт турларига тайёрлаш марказида йил якунлари ва энг яхшиларни тақдирлаш маросими бўлиб ўтди.

Шуни таъкидлаб ўтиш лозимки, жорий йилда кўплаб нуфузли халқаро мусобақалар, Осиё ва жаҳон чемпионатларида юртимиз спорт шарафини муносиб ҳимоя қилган атлетларимиз орасида Марказ спортчилари кўпчиликни ташкил этади.

Тадбирда айнан ушбу даргоҳ мураббийлари ва атлетлари орасидан энг муносиблари эътироф этилди. Жумладан, “Жонкуяр ходим” Фатҳулла Мўминов, “Йил фидокори” сифатида Абдулатиф Болласов эътироф этилди. Сарвара Аматова “Йил ўқитувчиси” бўлди. “Йил спортчиси” номинациясида Бекзод Боборажабов (камондан отиш), Паризод Абдукаримова (сузиш), “Йил параспортчиси” номинациясида Ҳумния Олимжонова (параенгил атлетика) ҳамда Рухшона Ўктамова (пара пауэрлифтинг) ғолиб бўлди.  

Шунингдек, турли йўналишларда йилнинг энг яхшилари аниқланди ва улар Марказ томонидан диплом, қимматбаҳо совғалар ва пул мукофотлари билан тақдирланди.

<iframe width="640" height="420" src="https://www.youtube.com/embed/yPmuKmGmrHA" title="Yilning eng yaxshilari taqdirlandi " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жавоҳир Тошхўжаев, ЎзА