Тошкентда “Жадидлар: миллий ўзлик, истиқлол ва давлатчилик” мавзусида халқаро илмий конференция бўлиб ўтди.

Унда АҚШ, Германия, Нидерландия, Озарбайжон, Туркия, Швеция, Ўзбекистон, Қирғизистон, Қозоғистон ва Япония сингари мамлакатлардан таниқли олимлар билан бирга халқаро ташкилотлар, дипломатик корпус вакиллари ҳам иштирок этди.

Конференцияда иштирок этган Туркиянинг Ўзбекистондаги элчихонаси таълим бўйича масъул ходими Йилмаз Жанкал ўғли (Туркия) билан суҳбатлашдик. 

<iframe width="650" height="420" src="https://www.youtube.com/embed/Jtd0c7UCo50" title="Yilmaz Jankal oʻgʻli: jadidlar erisha olmagan ezgu gʻoyalarga kelajak avlod erishadi, deb oʻylayman" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

– 2020 йилда ўз фаолиятини бошлаган Туркий давлатлар ташкилоти Туркия ва Марказий Осиё давлатлари ўртасида ҳамкорликни кенг йўлга қўйишда муҳим ўрин тутди. Жадидчилар мақсади ҳам шундай бўлган, яъни улар туркий халқларнинг бирлигига интилганлар. Бу бежиз эмас. Чунки биз тилимиз, интилишларимиз яқин халқлармиз. 

Жадидларнинг ҳаракатларини, илғор фикрларини ўрганиш ҳозирги авлод учун жуда муҳим. Жадидлар кўп эзгу ғояларни мақсад қилди, унга интилди, аммо буларга эриша олмади. Ҳозирги авлодда эса бунга имконият бор. 

Фурсатдан фойдаланиб, туркий халқлар тарихида муҳим ўрин тутган жадидчилик ҳаракатини ўрганиш ва илмий тадқиқ қилишни кенгайтириш мақсадида ташкил этилган нуфузли конференция ташкилотчиларига миннатдорчилик билдираман. 

Норгул Абдураимова, ЎзА