Сўровнома

Яна бир йилимиз якунига етмоқда. Маълумки, мамлакатимизда ҳар йил охирида келгуси йил учун ном бериш яхши анъанага айланган. Ўтган йил 20 декабрь куни Президент Шавкат Мирзиёев 2023 йилни “Инсонга эътибор ва сифатли таълим йили” деб эълон қилишни таклиф этганди. Умуман, давлатимиз раҳбари йил номига, энг аввало, Ўзбекистон фуқаролари ҳақ-ҳуқуқи, шаъни, манфаатини кўзлаб, давлат стратегиясида белгиланган устувор йўналишлардан келиб чиқиб эътибор қаратади.

Фурсатдан фойдаланиб, ЎзА “2024 йилга қандай ном берилишини истаган бўлардингиз ва нима учун?” саволи билан турли соҳа вакиллари ўртасида сўровнома ўтказди.

Масалан, таниқли футбол шарҳловчиси Хайрулла Ҳамидов “Шеърият йили”, экология, атроф-муҳитни муҳофаза қилиш ва табиат ресурслари вазири маслаҳатчиси Расул Кушербаев “Конституцияга амал қилиш ва қонун устуворлиги йили” бўлиши тарафдори эканини маълум қилди.

Сўровномада олий тоифали сухандон Фарҳод Бобожонов, Олий Мажлис Қонунчилик палатаси депутати Дониёр Ғаниев, ЎзЖОКУ ректори Шерзодхон Қудратхўжа, актриса Дилноза Кубаева каби эл таниган инсонлар ҳам фикр билдирди.

Айни мавзуда тайёрланган видео лавҳани ЎзАнинг барча ижтимоий тармоқ саҳифаларида томоша қилишингиз мумкин.

Ўзбекистон барчамизники. Сизнинг ҳам фикрингиз қизиқ! Хўш, янги йилга қандай ном берган бўлардингиз?

<iframe width="650" height="420" src="https://www.youtube.com/embed/EL8UTg8LFCs" title="Yil nomiga kim qanday taklif berdi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

ЎзА мухбирлари Марҳабо Мадаминова,

Беҳруз Худойбердиев ва Аслиддин Алижонов (видео) тайёрлади.