Jizzax viloyati hokimligida Bolalar masalalari bo‘yicha viloyat hududiy komissiyasining kengaytirilgan yig‘ilishi bo‘lib o‘tdi.

Unda Milliy gvardiyaning viloyat bo‘yicha boshqarmasi boshlig‘i, komissiya raisi o‘rinbosari A.Ibrohimov, viloyat prokurori o‘rinbosari, komissiya a’zosi T.Xudoyberdiyevlar so‘zga chiqib, viloyatdagi voyaga yetmagan bolalarning huquqlari qay darajada kafolatlanganligi bo‘yicha o‘zlarining tahliliy-tanqidiy fikrlarini bildirib o‘tdi.

Viloyat hokimligi bolalarni himoya qilish masalalari kotibiyati mudiri, komissiya mas’ul kotibi N.Mavlanova komissiya a’zolari va ishtirokchilarni Bolalar masalalari bo‘yicha hududiy komissiyaning Nizomi bilan batafsil tanishtirdi.

Tadbir davomida yetim bolalar va ota-ona qaramog‘idan mahrum bo‘lgan bolalarning orzu-istaklarini qo‘llab-quvvatlash, muammolarini hal etish maqsadida tashkil etilgan “Mehr daftari” jamg‘armasi haqida ham yig‘ilganlarga atroflicha ma’lumot berildi.

Yo‘l qo‘yilgan kamchiliklarni bartaraf etish yuzasidan aniq chora-tadbirlar belgilanib, aybdorlar jiddiy ogohlantirildi. 

Mutasaddi rahbarlar zimmasiga aniq topshiriqlar yuklatilib, ijrosi qat’iy nazoratga olindi.

A.QAYUMOV, J.YORBEKOV (surat) O‘zA