23-24 iyun kunlari Yevropa Ittifoqining navbatdagi sammiti o‘tkaziladi. Shu munosabat bilan Yevroparlament siyosiy fraksiyalari yetakchilari YeI mamlakatlari davlat va hukumat rahbarlariga murojaat etib, “Ukraina, Moldova Respublikasi va Gruziya Respublikasining tuzilmaga kirish arizasini ko‘rib chiqishga” da’vat etdi.

“Biz siyosiy guruhlar liderlari Ukraina va Moldova Respublikalariga Yevropa Ittifoqi a’zoligiga nomzod maqomi berilishi hamda Gruziya Respublikasi ham shunday maqomga erishishi ustida ishlashga chaqiramiz”, deyiladi bayonotda.

17 iyunda Yevrokomissiya a’zolikka arizalar yuzasidan munosabat bildirishi kutilyapti. Ushbu xulosa YeI yetakchilari ko‘rib chiqishi uchun sammitga taqdim etiladi.