“Gruziya tomonidan YeI talabiga oid islohotlarning bajarilishini baholash 2023 yilga qoldirildi”, deb bayonot berdi YeK vakili Maykl Rapp.

Yevropa komissiyasi (YeK) joriy yil oxirida Gruziyaning Yevropa Ittifoqiga a’zolik uchun topshirgan arizasini ko‘rib chiqishi kerak edi.

“Gruziya ustuvor islohotlarni amalga oshirish ustida shijoat bilan ishlayotganidan xabarimiz bor, albatta. Shuning uchun Tbilisi siyosiy elitasini shoshiltirmoqchi emasmiz. Muzokara o‘tkazish hech qachon kech bo‘lmaydi”, degan mulozim.

YeI yetakchilari 23 iyun kuni Ukraina va Moldovaga Ittifoqqa a’zo bo‘lib kirish uchun nomzod mamlakat maqomini berdi. Gruziyaga esa islohotlarni davom ettirish tavsiya etilgan.

O‘zA