Makron Yevropani yagona mudofaa tizimini yaratishga, yagona byudjet va muhojirlarga oid umumiy qoidalar boʻyicha ish tutuvchi umumevropa mahkamasini tuzishga chaqirdi. “Nemis-fransuz birligi asosidagi Yevropaning dunyoni tartibsizlikdan asrab, tinch taraqqiyot yoʻliga boshlash masʼuliyati bor. Buning uchun Yevropa kuchli va mustaqil boʻlishi kerak”, dedi Makron. Uningcha, Yevropaning bugungi muammolari iqlim masalasi, muhojirlar siyosati va raqamli inqilob kabilardan iborat.