Futbol bo‘yicha Germaniyada o‘tayotgan Yevropa chempionati hamda AQSH mezbonligida o‘tayotgan «Kopa Amerika» kubogida chorak final bahslari o‘z yakuniga yetdi.

Yevropa chempionatining 1/2 final uchrashuvining ilk bahsida Ispaniya va Fransiya termalari 10 iyul kuni o‘zaro raqobatlashadi. Ikkinchi juftlik – Angliya hamda Gollandiya termalari bellashuvi 11 iyul kuni bo‘lib o‘tadi. Har ikki o‘yin Toshkent vaqti bilan soat 00:00 da boshlanadi.

«Kopa Amerika»ning chorak final uchrashuvlari yakuniga ko‘ra, Argentina, Kanada, Kolumbiya va Urugvay terma jamoalari yarim final bosqichiga yo‘l oldi. Endi final yo‘llanmasi uchun o‘tadigan o‘yinda Argentina – Kanada (10 iyul ), Urugvay – Kolumbiya (11 iyul) termalari to‘qnashuviga guvoh bo‘lamiz. O‘yinlar Toshkent vaqti bilan tongi soat 05:00da start oladi.

Javohir Toshxo‘jayev, O‘zA