Ёнғин хавфсизлиги қоидаларига амал қилинг!
Азиз ҳамюртлар! Ўзингиз ва яқинларингиз ҳаётини, уй-жойингиз ҳамда мол-мулкингизни асраш мақсадида қуйидаги ёнгин хавфсизлиги қоида талабларига амал қилинг.
Азиз ҳамюртлар! Ўзингиз ва яқинларингиз ҳаётини, уй-жойингиз ҳамда мол-мулкингизни асраш мақсадида қуйидаги ёнғин хавфсизлиги қоида талабларига амал қилинг.
- уйингизда ёниб турган газ ва электр асбоб ускуналарни назоратсиз қолдирманг;
- носоз газ ва электр асбоб ускуналаридан фойдаланманг;
- иситиш печи ва ўчоқларга олов олдириш учун бензин, керосин, сольярка каби тез аланга олувчи воситалардан фойдаланманг;
- газ горелкаси ва иситиш печлари устида кир қуритманг;
- газни резина шланг орқали улаб ишлатманг;
- газни ёқишдан олдин гугуртни ёқиб, сўнгра газ жўмрагини аста-секин очинг;
- иситиш печи ва унинг мўрисининг носоз жойларини ўз вақтида таъмирланг;
- иситиш печи мўриконаларини бинонинг ёғоч қисмидан 38 см.дан кам бўлган масофада ўрнатманг;
- уйингизни қўшни иморатлари чордоғи билан туташган жойларига ёнғинга қарши девор ўрнатишни унутманг;
- иситиш печларини қаттиқ қиздириб юборманг, уларнинг яқинига мебель ва бошқа тез ёнадиган буюмларни қўйманг;
- иситиш печини ўрнатиш учун махсус усталарини чақиринг;
- ностандарт ва қўлбола сақлагичлардан (предохранитель) ҳамда вақтинча ўтказилган симларидан фойдаланманг;
- электр симларининг узилган ва ишдан чиққан қисмларини тезда созланг ёки алмаштиринг;
- икки ва ундан ортиқ электр асбобларини бир вақтнинг ўзида ишлатманг;
- электр симларини бурама ёки қаттиқ тортилган ҳолда ўтказманг;
- қўлбола ясалган электр асбобларидан ва газга мослаштирилган иситиш воситаларидан фойдаланманг;
- ёқилган иситиш печи, газ ва электр асбобларини қаровсиз қолдирманг, уларни ёш болалар ихтиёрига топширманг;
- ёш болаларга иситиш печи, газ горелкалари ва ўчоқларга ўт ёқишни буюрманг;
- ёш болаларни гугурт ва олов билан ўйнашларига йўл қўйманг ва уларни қаровсиз қолдирманг;
- қозонда доғ қилинаётган ёғни назоратсиз қолдирманг;
- ўринда ётиб сигарета чекманг;
- том ва чордоқларда хашак ва бошқа тез ёнувчан нарсаларни сақламанг;
- уйдан чиқишдан олдин газ ва электр ускуналарни (плита, дазмол, телевизор ва бошқалар) ўчирилганлигини текшириб чиқинг;
- аҳоли яшаш уйларида енгил-тез алангаланувчи ёқилғи маҳсулотлари оғзи маҳкам ёпиладиган темир идишларда сақлансин ва 20 литрдан ортиқ бензин ҳамда 5 литрдан ортиқ мой маҳсулоти сақлаш қатъиян маън этилади;
- кўп қаватли уйларнинг хонадонларида енгил-тез алангаланувчи ёқилғи маҳсулотлари сақлаш тақиқланади;
- кўп қаватли уйлар олдидаги уйларда сунъий тўсиқлар қўйиш ва ўзбошимчалик билан қўшимча иншоотлар қуриш тақиқланади;
- ёнғин содир бўлганда зудлик билан «101» телефон рақами орқали Ёнғин хавфсизлиги хизматига хабар беринг!
Юнусобод тумани ФВБ шаҳримиз фуқароларидан юқоридаги оддий бўлган ёнғин хавфсизлиги қоида талабларига амал қилишингизни ва ҳар доим ёдда тутишингизни сўраб қолади.
Эрмахан Турсунбоев,
Юнусобод тумани ФВБ ЁН ва ПБ инспектори, сержант