Tokioda Yaponiya bilan Yevroittifoqning 28- sammiti bo‘lib o‘tdi. Unda Kunchiqar mamlakatining bosh vaziri Fumio Kisida, Yevrokomissiya rahbari Ursula fon der Lyayen hamda Yevropa kengashi rahbari Sharl Mishel ishtirok etdi.

Yevrokomissiya rahbari Ursula fon der Lyayen sammit yakunida bo‘lib o‘tgan matbuot anjumanida Yaponiya-YeI raqamli sohada sheriklikni boshlaganini e’lon qildi. Bu Yevroittifoq uchun ushbu yo‘nalishda birinchi sheriklik hisoblanadi.

Yevrokomissiya rahbarining ta’kidlashicha, "tomonlar qator muhim qadamlarni tashlagan".

"Birinchidan, biz bugun YeI-Yaponiya o‘rtasida raqamli sohada sheriklikni ishga tushiramiz. Bu birinchi shunday sheriklikdir, hali hech bir davlat bilan bunday kelishuvga erishmaganmiz", — dedi Ursula fon der Lyayen.