Сўнгги йилларда иқлим ўзгариши инсоният олдидаги энг долзарб муаммолардан бирига айланди. Ҳаво ҳароратининг ошиб бориши, ёмғир ва қор режимидаги ўзгаришлар, қурғоқчилик ва сел каби табиий офатлар сонининг кўпайиши нафақат табиатга, балки инсон саломатлиги, иқтисодиёт ва озиқ-овқат хавфсизлигига ҳам жиддий таҳдид солмоқда.

Бу жараёнлар ўз-ўзидан содир бўлаётгандек туюлса-да, уларнинг асосий сабабчиси инсон фаолияти экани илмий жиҳатдан исботланган.

Мутахассисларнинг сўзларига кўра, иқлим ўзгариши энг аввало табиий экотизимлар мувозанатини бузмоқда. Ҳарорат ошиши ва намликнинг камайиши кўплаб ўсимлик ва ҳайвонот турларининг йўқолиб кетишига олиб келмоқда. Айниқса, ўрмонлар ва чўл ҳудудлари орасидаги табиий чегаралар йўқолиб, чўлланиш жараёни жадаллашмоқда.  

Шу мураккаб вазиятда яшиллик оламини кенгайтириш — энг самарали ва табиий ечимлардан бири ҳисобланади. Чунки дарахтлар ва яшил ҳудудлар атмосферадаги углерод газини ютиб, уни кислородга айлантиради.  

“Forest Carbon Cycle & Biodiversity Solutions for Climate Change” мавзусидаги семинарда “Яшил лойиҳа” лойиҳалаш институти давлат муассасаси бўлим бошлиғи Турдибек Султонов ўрмонларни кенгайтиришнинг аҳамияти ва соҳада олиб борилаётган ислоҳотлар хусусида тўхталиб ўтди.

<iframe width="640" height="420" src="https://www.youtube.com/embed/86WlUClyV_k" title="Yashillikni kengaytirish nima uchun muhim?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Тошқораева, ЎзА