Bahor kelishi bilan barcha hududlarda atrof-muhitni tozalash, obodonlashtirish, ko‘chat ekish ishlari boshlanadi.

“Mahalla” xayriya jamoat fondi Qashqadaryo viloyati bo‘limi boshqaruvi hamda Koson tuman bo‘linmasi hamkorligida Koson tumani Regzor MFYda “Yashil makon” loyihasi doirasida 200 tupdan ortiq manzarali, 100 tupdan ziyod mevali ko‘chatlar ekildi. Shuningdek 1 kilometrdan ortiqroq hududdagi ariqlar tozalandi. 300 dan ortiq daraxtlarga shakl berilib oqlandi.

Bundan tashqari, mahalladagi kam ta’minlangan oilalarga 120 tup daraxt ko‘chatlari tarqatildi.  

O‘lmas Barotov,

O‘zA