“Ўзбекнефтгаз” АЖ раҳбарияти ва Германиянинг "AKA European Export Trade Bank” бош директори М.Венгрчик бошчилигидаги делегация ўртасида музокаралар ўтказилди.

Унда Ўзбекистон нефть-газ саноатининг асосий тенденциялари, ишлаб чиқариш фаолияти, компаниянинг инвестициявий устувор йўналишлари ва ҳамкорлик истиқболлари муҳокама қилинди. Шунингдек, томонлар "Ўзбекнефтгаз” АЖнинг Европа контенти мавжуд шартномаларини молиялаштириш имкониятларини кўриб чиқди.

Жамият ахборот хизматига кўра, мазкур учрашувда ўзаро ҳамкорликни кенгайтириш, инвестицияларни жалб қилиш ва манфаатли лойиҳаларни амалга ошириш чора-тадбирларига урғу берилди.

Мулоқот якунида “яшил” лойиҳаларни молиялаштириш шартларини ўрганиш белгилаб олинди.

Н.Зиёдуллаева тайёрлади, ЎзА