Аввал хабар қилинганидек, Тошкент вилояти Бўстонлиқ туманида “Чорвоқ” шамол электр станцияси қурилиши бошланди. Лойиҳа Хитой Халқ Республикаси томонидан 28 миллион АҚШ доллари миқдоридаги беғараз грант асосида амалга оширилмоқда.

Қуввати 20мегаватт бўлган ушбу станция йилига 50 миллион киловатт-соат электр энергияси ишлаб чиқариши кўзда тутилган. Бу орқали 20 мингга яқин хонадон электр энергияси билан таъминланади, шунингдек, 30 та янги иш ўрни яратилади.

“Ўзбекгидроэнерго”АЖ ҳамда Хитойнинг нуфузли компаниялари ҳамкорлигида амалга оширилаётган мазкур лойиҳа мамлакатимизда экологик тоза энергия манбаларини ривожлантиришга қаратилган ислоҳотларнинг муҳим давомидир.

Эслатиб ўтамиз,станцияни 2025-2026 йилларда бунёд этиш режалаштирилган.

<iframe width="560" height="315" src="https://www.youtube.com/embed/Yl2XRmClRb0?si=Vnemmoe0WF-awBul" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Насиба Зиёдуллаева, Анвархўжа Аҳмедов(видео),

ЎзА