Япониянинг биринчи аёл фотожурналисти Цунэко Сасамото вафот этди
Цунэко Сасамото 107 ёшида вафот этди, деб ёзмоқда CNN. У 15 август куни Камакура шаҳрида ҳаётдан кўз юмган.
Цунэко 1914 йили Токиода дунёга келган. 1940 йилда у расман Япония фотосуратчилари жамиятига аъзо бўлган ва янгиликлар фотографияси бўйича фаолиятини бошлаган. 1950 йилда у Япониянинг профессионал фотосуратчилари жамиятига аъзо бўлди.
"Сиз ҳеч қачон дангасалик қилманг. Доимо яхши нарсалар ҳақида ўйланг ва таслим бўлманг", – деган эди Сасамото Art and Design Inspiration нашрига интервью берганда.