Япония қутқарувчилари денгиз тубидан яқинда ҳалокатга учраган KAZU 1 саёҳат кемасининг бўлакларига ўхшаб кетадиган иккита буюмни топишди, деб маълум қилди NHK телеканали.

Бўлаклар жума куни эрталаб сувости камераси ёрдамида топилган. Ушбу буюмлар саёҳатчилар учун энг диққатга сазовар жойлардан ҳисобланган шаршара атрофида 100 метр чуқурликда топилган. Кема айнан ушбу ҳудуддан ҳалокат ҳақида хабар берган эди. Кема парчаларида "Z" ва "U" ҳарфлари ҳамда "1" рақами бор. 

Япониянинг денгиз хавфсизлиги хизмати ушбу буюмлар йўқолган кемага тегишли бўлиши мумкин, демоқда.  

Унчалик катта бўлмаган "KAZU 1" саёҳат кемаси 23 апрелда ҳалокат қўнғироғини чалган эди, сўнгра алоқага чиқмай қўйган. Кема бортида 26 киши жумладан, икки нафар бола бўлган. Бир кун ўтгандан кейин 10 кишининг жасади топилган, кейинги кунлари яна тўрт саёҳатчининг ҳалок бўлгани маълум бўлди. Қолган 12 киши бедарак кетган, деб ҳисобланмоқда.  

Тахмин қилинишича, ҳалокат об-ҳаво ноқулай келгани учун содир бўлган, чунки шу вақтда тўлқин баландлиги уч метргача етган.