Ўзбекистонга референдумни кузатиш мақсадида келган OISCA халқаро ташкилоти вице президенти Юношин Курода (Япония) ўз мамлакатида сайлов, референдум ўтказиш бўйича катта тажриба тўпланганини, бу каби жараёнлар намунали ўтказилишини таъкидлади.

Шунингдек, Ўзбекистонда кун давомида кечган референдум жараёнларини кузатганини, ўз мамлакатидан катта фарқ кўрмаганини қайд этди.    

– Ҳамма ишлар батартиб ташкиллаштирилган, аҳоли ҳам тартиб билан овоз берди. Уларга турли хил йўсинда таъсир қилиш ҳолатлари ёки уларнинг ҳуқуқларини чеклашга қарши ҳеч қандай ҳаракат кузатилмади, – дейди Юношин Курода. – Ўзбекистонга илк марта ташриф буюришим. Пойтахт Тошкент чиройли ва тараққий этган шаҳар экан. Японияда ўзбекистонлик ёшларга таълим берганман. Бу ерда ютуқларга эришган шогирдларим бор.    

Н.АБДУРАИМОВА, ЎзА