Laos viloyatlaridan birining nomini olgan "Xinnamnor" dovuli Tinch okeanida yuzaga kelib, Yaponiya tomonga harakat qilmoqda, deb xabar tarqatdi mamlakat bosh meteorologiya boshqarmasi.

Soatiga  30 kilometrlik tezlik bilan harakatlanayotgan dovul chorshanba kuni janubiy Kyusyu oroliga yopiriladi. Dovul dushanba kuni oqshomda Ogasavara arxipelagiga yetib kelishi mumkin. 

Sinoptiklarning ogohlantirishicha, dovulning ta’siri  mamlakatning janubi-g‘arbiy qismidan to shimoli-g‘arbigacha seziladi. Bu yerlarda chorshanba kuni qattiq jala quyishi kutilmoqda.