Лаос вилоятларидан бирининг номини олган "Хиннамнор" довули Тинч океанида юзага келиб, Япония томонга ҳаракат қилмоқда, деб хабар тарқатди мамлакат бош метеорология бошқармаси.

Соатига  30 километрлик тезлик билан ҳаракатланаётган довул чоршанба куни жанубий Кюсю оролига ёпирилади. Довул душанба куни оқшомда Огасавара архипелагига етиб келиши мумкин. 

Синоптикларнинг огоҳлантиришича, довулнинг таъсири  мамлакатнинг жануби-ғарбий қисмидан то шимоли-ғарбигача сезилади. Бу ерларда чоршанба куни қаттиқ жала қуйиши кутилмоқда.