Rasmiy manbalarga ko‘ra, Yaponiyaning Kumamoto prefekturasi hududidagi Aso tog‘i vulqon kraterida topilgan siniqlar avvalroq nazoratdan g‘oyib bo‘lgan sayyohlik vertolyoti qismi bo‘lib chiqdi.

"Kyodo" xabariga ko‘ra, Yer, infratuzilma, transport va turizm vazirligi o‘sha joydan vertolyot fyuzelyajiga o‘xshash jiddiy shikastlangan ob’ekt topilganini ma’lum qildi. Agentlik ushbu jismlar bir kun avval aloqa uzilgan sayyohlik vertolyotiga tegishliligini tasdiqladi. 

Xabar qilinishicha, uchuvchi va ikki tayvanlik yo‘lovchi hamon qidirilmoqda. Hodisa sababi aniqlanyapti, tergov davom etyapti. Avvalroq Aso tog‘i uzra uchayotgan vertolyot parvoz chog‘i favqulodda belgi bergani, biroq vaqtida bazaga qaytmagani xabar qilingandi. Shundan so‘ng hududda qidiruv-qutqaruv ishlari boshlandi.

G.Sattorova, O‘zA