Япония жануби-ғарбидаги Синмоэ вулқони якшанбага ўтар кечаси яна фаоллашди ва ўз кулини 3 километр баландликка сочди.

"Japan News" хабарига кўра, ҳодиса тунда бошланган. Метеорология агентлиги кратер атрофида кичик вулқон жинси қулаши эҳтимолидан огоҳлантирди.

Синмоэ 27 июндан бошлаб вақти-вақти билан фаоллашмоқда. Япония "Тинч океани олов ҳалқаси" деб аталадиган ҳудудда, сейсмик ва вулқон фаоллиги зонасида жойлашган. Кун чиқар юртда 100 дан ортиқ фаол вулқон мавжуд.