Японияда кучли қор ёғиши оқибатида ҳозиргача 16 инсон ҳаётдан кўз юмган, қарийб 120 киши турли даражада жароҳат олган.

Расмийлар айтишича, айниқса мамлакат шимолидаги Хоккайдо оролида вазият оғир. "JR Hokkaido" темир йўл компанияси кучли қор сабаб мингга яқин қатнов бекор қилинган ёки кечиктирилганини таъкидлади. Натижада 140 000 дан кўп йўловчи сафар режасини ўзгартиришга мажбўр бўлди. Поездлар ҳаракатидаги узилиш бугун ҳам давом этяпти.

Маҳаллий ҳокимият аҳолига эҳтиёт чорасини кучайтириш, жиддий заруратсиз йўлга чиқмасликни тавсия қилган. Қутқарув ва тозалаш ишлари кучайтирилган.

Ф.Яхшибоева, ЎзА