Японияда коронавирусга қарши вакцина одамларда синаб кўрила бошланди
Клиник синовнинг биринчи қисмида 30 нафар соғлом кўнгиллилар ўз танасига вакцина юборади.
Япониянинг COVID-19 га қарши ДНК-вакцинасини ишлаб чиқаётган AnGes, Inc компанияси вакцинани одамларда синашни бошлади, деб хабар қилади компания асосчиси, Осака университетининг клиник генотерапияси бўлими профессори Рюити Морисита. Унинг таъкидлашича, клиник синов 30 нафар кўнгиллиларда амалга оширилмоқда.
Клиник синовнинг биринчи қисмида 30 нафар соғлом кўнгиллилар ўз танасига вакцина юборади.
«Кўнгиллилар икки гуруҳга бўлинган. Биринчи гуруҳ танасига озроқ вакцина юборади, иккинчи гуруҳ аъзолари кўпроқ», - дейди профессор Морисита.
Вакцинациялаш икки ҳафта оралиқ вақти билан икки марта амалга оширилади, 31 июлда клиник эксперимент ниҳоясига етказилади.
«Бироқ бу, синов ниҳоясига етгач, якуний натижага эга бўлишимизни англатмайди», - дея аниқлик киритди профессор.
Бундан аввалроқ Морисита РИА Новостига берган интервьюсида синовнинг иккинчи қисми кузда 400-500 киши иштирокида амалга оширилишини айтган эди, баҳорга келиб эса, AnGes, Inc. вакцинани саноат даражасида ишлаб чиқаришга киришиши мумкин. ДНК-вакцинанинг асосий устун томони профессор Мориситанинг таъкидлашича, у патогенлардан фойдаланмайди, организм патогенга эътибор бермай, ДНК-маълумотга таяниб антитела яратади. Шунингдек, унинг таъкидлашича, вакцинани тез ва амалда қанча керак бўлса, шунча ишлаб чиқариш имконияти мавжуд бўлади. Вакцинанинг яна бир муҳим томони, ишлаб чиқаришни вируснинг янги мутациялашуви содир бўлганда, унга ҳам осонгина мослаштириш мумкин.