Yaponiyaning “Kiodo susin” agentligi xodimlari mamlakatning Fumio Kisida boshchiligidagi yangi hukumati va uning siyosati bo‘yicha so‘rov o‘tkazdi.

Kisida hukumatini qo‘llab-quvvatlovchilar ko‘rsatkichi ancha yuqori – 60 foiz bo‘lib, ayni paytda noyabrdagi tegishli ko‘rsatkichga qaraganda 0,5 foizga pastlagan.

Telefon orqali o‘tkazilgan so‘rovga ko‘ra, 79,2 foiz ishtirokchi mamlakatdagi farzand tarbiyalayotgan oilalarga yuz ming iyen, ya’ni 880 dollar moddiy to‘lov berilishini qo‘llab-quvvatlagan.