“Меари” довули яқинлашаётгани учун Сидзуока префектурасида 72 мингдан зиёд аҳоли уйларини тарк этиб, хавфсиз жойга кўчиб ўтишига кўрсатма олди.

Довулнинг хавфлилик даражаси 8 чи босқичга етади, деб ёзмоқда Киодо агентлиги. 
Ҳукумат аҳолини эвакуация қилишни тезроқ ниҳоясига етказишга чақирмоқда. Чунки хавф даражаси бешинчи босқичга чиқса инсонлар ҳаётига тўғридан-тўғри таҳдид пайдо бўлади. 

"Меари" довули корейсчада "садо" маъносини билдиради. Офат жума куни Япониянинг жанубида пайдо бўлгани айтилмоқда. Куннинг иккинчи ярмида у Япониянинг Тинч Океани соҳилларига ёпирилади. Шу боис дастлабки зарбани Сидзуока префектураси қабул қилиши мумкин.  

Айни дамда довул Сидзуоканинг жануби-ғарбий қисмига яқинлашмоқда. Синоптикларнинг таъкидлашича, якшанба куни эрталаб довул шимоли-шарқий соҳилларга ёпирилади ва Тинч Океанининг шимоли-шарқига қараб ғойиб бўлади.