Iqtisodiy hamkorlik va taraqqiyot tashkilotining “Bir qarashda ta’lim” yillik hisobotida ma’lum qilinishicha, ilmiy darajaga ega ayollarning eng yuqori ulushi Litvada - 59 foizni tashkil qiladi. Yaponiyada ayni ko‘rsatkich 30 foizga teng. Bu haqda “Anadolu” xabar bermoqda.

Tashkilotga a’zo 32 davlatda oliy ta’limda band mutaxassislarning o‘rtacha 45 foizi ayollar.
Bu borada Latviya 55 foiz bilan ikkinchi, Finlandiya 53 foiz bilan uchinchi o‘rinni egallagan. Shveysariya va Janubiy Koreyada ilmiy darajaga ega ayollar ulushi 36 foiz.

2020 yildan boshlab Yaponiya hukumati ayol o‘qituvchilar sonini ko‘paytirish maqsadida davlat universitetlarini qo‘llab-quvvatlashni kuchaytirdi.