Shimoliy Koreyani to‘liq denuklearizatsiya qilish masalasi Tokioda bo‘lib o‘tadigan Yaponiya va Janubiy Koreya yetakchilarining oliy darajadagi uchrashuvida muhokama etiladi, deb ma’lum qildi Yaponiya hukumati bosh kotibi Xirokadzu Matsuno.
“Yaponiya va Janubiy Koreya yetakchilarining bugun bo‘lib o‘tadigan oliy darajadagi uchrashuvida Yaponiya bilan Janubiy Koreya hamda Yaponiya – Janubiy Koreya – AQSH tomonidan Shimoliy Koreya to‘liq denuklearizatsiya qilinishini yana bir bor ta’kidlashdir”, – dedi Matsuno.
U Shimoliy Koreyaning Yaponiya va mintaqa tinchligiga xavf solayotgan raketa parvozlarini qabul qilib bo‘lmasligini ta’kidladi.
Yaponiya bosh vaziri Fumio Kisida bilan Janubiy Koreya prezidenti Yun Sok Yolning ushbu uchrashuvi Janubiy Koreya prezidentining so‘nggi 12 yil ichida qo‘shni davlatga amalga oshirayotgan ilk tashrifi paytida bo‘lib o‘tmoqda.
Avvalroq Yaponiya Pekindagi elchixonasi orqali Shimoliy Koreyaga keskin norozilik bildirib, qit’alararo ballistik raketa uchirganini qat’iy qoralagan edi.
So‘nggi paytlarda Shimoliy Koreya Yapon dengizi tomoniga qarata raketa parvozlarini faollashtirmoqda. Bu tabiiyki, Kunchiqar davlatining ham, Janubiy Koreyaning ham xavotiriga sabab bo‘lmoqda.