Япония бош вазири Фумио Кисида БМТнинг иқлим бўйича анжуманида ўз мамлакати ривожланаётган давлатларга 10 миллиард доллар маблағ ажратишига ваъда берди.

“Бу сайёрани глобал исишдан қутқаришга ёрдам беради”, деб ёзади “Bloomberg”.

Маблағ келгуси беш йил давомида бериб борилади. Маблағнинг 240 миллиони ўрмонларни асраб қолишга йўналтирилади.  

Аслида мазкур маблағ Япония томонидан ажратилувчи маблағга қўшимча ҳисобланади.

Кисида бош вазир бўлгунича япон ҳукумати 60 миллиард доллар ажратган.  

Мамлакатда, шунингдек, аммиак ёки водороддан фойдаланган ҳолда  қазилма ёқилғисидан воз кечиш бўйича лойиҳа ишлаб чиқишга киришилади.

З. Мирзабоева, ЎзА