Yaponiya Bosh vaziri Fumio Kisida 2022 yilgi qishki Olimpiya o‘yinlari vaqtida Pekinga shaxsan tashrif buyurishni rejalashtirmayapti, deya xabar beradi “RIA Novosti”.

Uning aytishicha, rasmiylarning Olimpiadada ishtirok etish shakli bo‘yicha yakuniy qaror tegishli muddatda qabul qilinadi.
Avvalroq Xalqaro Olimpiya Qo‘mitasi prezidenti Tomas Bax bir qator davlatlar tomonidan mazkur yirik sport anjumaniga nisbatan diplomatik boykot qilingani haqida gapirgandi. U olimpiya terma jamoalariga hukumat tomonidan ko‘rsatilayotgan yordamni ma’qulladi. Bir qator davlatlar o‘z yetakchilarini Pekin Olimpiadasiga yuborishdan bosh tortdi. Buni birinchi bo‘lib AQSH e’lon qildi. Keyin ushbu tashabbusga Avstraliya, Buyuk Britaniya va Kanada qo‘shildi.