Январь ойида жаҳон бозорида озиқ-овқат хомашёси нархлари асосан, ўсимлик ёғи кам таклиф қилингани учун ошган. Пайшанба куни БМТнинг Озиқ-овқат ва Қишлоқ хўжалиги ташкилоти (ФАО) ана шундай маълумотни эълон қилди.

Ташкилотнинг берган маълумотида келтирилишича, озиқ-овқат маҳсулотларининг асосий турлари нархи декабрь ойи билан солиштирганда январь ойида 1,1 фоизга кўтарилган.

Ўсимлик ёғининг нархи эса 4,2 фоизга ошиб, рекорд даражада қимматлашган.

"Ўсимлик ёғининг қимматлашувига унинг экспортга кам чиқарилгани, таклифлар камайгани, ишчи кучи танқислиги ва ноқулай об-ҳаво сабаб бўлгани айтилмоқда. Ушбу омиллар оқибатини қисқа вақтда бартараф қилиш мушкул", - дейилади ташкилот тарқатган матбуот хабарномасида.

Ўтган ойда шунингдек, дон, сут ва гўшт маҳсулотлари нархи ҳам ошгани кузатилди. Январь ойида фақат шакар нархи 3,1 фоизга ошгани кузатилган.