Sirdaryo viloyatining Yangiyer shahrida Yangi Asr ko‘chasining shifoxonagacha bo‘lgan qismi joriy yilda kapital ta’mirlanadigan bo‘ldi.

Fuqarolar tashabbusi bilan “Ochiq byudjet”dan 800 million so‘m va mahalliy byudjetning qo‘shimcha manbalari hisobidan shaharda “aqlli ko‘cha” barpo etiladi. Quyosh energiyasi orqali yoritiladigan ko‘cha, quyosh paneli yordamida bepul Wi-Fi zonalar, aqlli svetoforlar o‘rnatish bo‘yicha vazifalar belgilab olindi.  

Quvonarlisi, loyihada yoshlar uchun ochiq kutubxona tashkil etilishidir. Yangiyerliklarning xavfsizligini ta’minlash maqsadida ko‘chani to‘liq videokamera nazoratiga olish ham ko‘zda tutilgan.  

Sh. SUYAROV,  

O‘zA