Бутунжаҳон таэквондо федерацияси (WT) ноябрь ойи учун янгиланган жаҳон рейтингини эълон қилди.

Эътиборли жиҳати, янгиланган рейтингнинг кучли 50 талигидан Ўзбекистон терма жамоасининг 17 нафари жой олган бўлса, уларнинг 10 нафарини ўғил ва 7 нафарини таэквондочи қизларимиз ташкил этди.

Маҳоратли спортчиларимиздан Нажмиддин Қосимхожиев -74 килограммда ва Светлана Осипова  +73 кило оғирликда дунё рейтингининг етакчисига айланди.

Шунингдек, терма жамоамиз аъзоларидан Жаҳонгир Худойбердиев, Шуҳрат Салаев, Жасурбек Жайсунов, Марат Мавлонов ва Озода Собиржонова ўз вазн тоифаларида кучли ўнликда, Назарали Назаров, Ёдгорбек Жўрабоев, Диёрбек Тўхлибоев, Мадина Мирабзалова кучли йигирматаликда қайд этилди.

Т.Рўзиев, ЎзА