Тошкент шаҳридаги “ММФИ” Миллий тадқиқот ядро университети федерал давлат автоном олий таълим муассасаси филиалида “Ёшлар орасида ҳуқуқбузарлик ва жиноятчиликнинг олдини олиш. Янгиланган Конституция: ёшлар учун янги имкониятлар” мавзусида давра суҳбати ташкил этилди.

“8-декабр — Ўзбекистон Республикаси Конституцияси куни”га бағишлаб ўтказилган мазкур тадбирда профессор - ўқитувчилар ҳамда талабалар иштирок этишди.    

Тадбир давомида Ўзбекистон Республикаси Конституциясида кўплаб соҳа ва йўналишлар қаторида ёшлар масаласига ҳам алоҳида устуворлик берилгани, бунда алоҳида бир бобнинг оила, болалар ва ёшлар масаласига бағишлангани, ёшларни қўллаб-қувватлашга қаратилган янги нормаларнинг аҳамияти ҳақида сўз борди.    

ИИВ академиясининг Криминалистик экспертизалар кафедраси катта ўқитувчиси подполковник — Илҳом Хайдаровнинг ҳуқуқбузарликлар ва жиноятларнинг иссиқ изидан очиш усуллари борасидаги маърузаси қизғин муҳокамаларга сабаб бўлди.  

Давра суҳбатидан сўнг намойиш этилган Криминалистик экспертизалар кафедраси базасидаги мобиль эксперт-криминалистик лабораторияси автомобилининг имкониятлари талабаларда катта таассурот қолдирди.    

Тадбир шу тариқа юксак саъвияда ўтказилди, талабалар мавзу юзасидан ўзларини қизиқтирган кўплаб саволларга жавоб олдилар.

<iframe width="650" height="420" src="https://www.youtube.com/embed/pExkhbEi0lw" title="“Янгиланган Конституция: ёшлар учун янги имкониятлар”" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

М.Эшмирзаева, ЎзА