FOTOREPORTAJ

Poytaxtimizning Yashnobod tumanidagi “Olmos” turar joy majmuasida “Konstitutsiya – o‘zimizniki!” mavzuida targ‘ibot tadbiri bo‘lib o‘tdi.

[gallery-11322]

Tadbirda so‘z olgan Toshkent shahrining sobiq hokimi, qurilish sohasi faxriysi Kozim To‘laganov, “Toshkent-siti” majmuasi qurilishida ishlagan kranchi qiz Nargiza Arslonova, ipoteka krediti evaziga uyli bo‘lgan hamyurtimiz Mixail Sultonov, qurilish vaziri o‘rinbosari Davron Odilov va “Land House” qurilish kompaniyasi rahbari Akram Ochilov mamlakatimizda inson qadrini ulug‘lash, ularga har tomonlama qulaylik yaratish, aholini uy-joy bilan ta’minlash, quruvchilarning mehnat va ijtimoiy shart-sharoitini yaxshilash borasida amalga oshirilayotgan ishlarni alohida e’tirof etdi.

Tadbirga yosh xonandalar Yorqinxo‘ja Umarov, Imron hamda taniqli xonanda Ravshan Sobirov o‘zining diltortar qo‘shiqlari bilan fayz kiritdi.

Muhammad AMIN (surat), O‘zA