Янги Зеландия парламенти мамлакатда амал қилаётган карантин чеклови туфайли фаолиятини бир ҳафтага тўхтатди, деб маълум қилди душанба куни мамлакат бош вазири Жасинда Ардерн.

Аввалги душанбада у коронавируснинг "дельта" штамми тез тарқалаётгани боис жорий қилинган локдаун 27 августгача, мамлакатнинг йирик шаҳри -   Оклендда эса ой охиригача чўзилиши ҳақида маълум қилган эди.

Янги Зеландия парламенти пойтахт  Веллингтонда жойлашган.

Жасинда Ардерннинг таъкидлашича, вазирлар парламентнинг тегишли комиссиялари қаршисида виртуаль тарзда ҳисобот бериши мумкин.  

Ардерн Локдаун пайтида одамлар уйларини тарк этмаслигини эслатиб, уларга кунига фақат бир марта очиқ ҳавода сайр қилишга рухсат берилганини қайд этган.