Янги йил байрами куни фарзанд дунёга келиши байрам устига байрам, қувонч устига қувонч бўлади, шубҳасиз.

Ўтган йилларга назар ташласак,  2018 йил Янги йил байрами куни 1961 нафар, 2019 йилда 1708 нафар, 2020 йилда 1974 нафар, 2021 йилда 1644 нафар, 2022 йилда эса 2316 чақалоқ туғилган. Бу сафарги  Янги йилнинг биринчи суткасида юртимизда 2155 нафар чақалоқ дунёга келди. 1 январь куни дунёга келган гўдакларнинг 1056 нафари қиз, 1099 нафари ўғил.

Энг кўп чақалоқ Фарғона вилоятида (252 нафар) туғилди.

ЎзА