Юртимиздаги ҳар бир байрам кўтаринки рухда, шоду-ҳуррамликда ўтади. Айниқса, Янги йилни ўзгача нишонлаймиз. Бугун турли сайлгоҳларда, парк ва алеяларда янграётган куй ва қўшиқларни, санъаткорларнинг бадиий ва кўнгилочар дастурларини, юқори кайфиятда сайр қилиб юрган юртдошларимизни кўриб ҳар бир инсоннинг дили қувонади. Айниқса, болажонларнинг шўх-шодон кулгилари бу байрамга ўзгача файз бағишлайди. Уларнинг қишки таътилда мароқли дам олишларини ташкил этиш борасида мутасаддилар ҳам алоҳида тайёргарлик кўрди.

Жумладан, шу кунларда Тошкентнинг асосий Янги йил арчаси тадбирлари ўтказиладиган Алишер Навоий номидаги кутубхона қаршисидаги кенг майдонда турфа чироқлар ёғдусида шаҳарликлар ва пойтахт меҳмонларининг 35 метрлик арча атрофида ҳушчақчақлик билан вақтларини ўтказаётганликларини кўришингиз мумкин. Хилма-хил атракционлар, болалар ва катталар учун саҳнада янграётган куй-қўшиқлар, турли кўнгилочар дастурлар барчага хушкайфият улашмоқда. Ўз навбатида ташкилотчилар бош арчага келаётганларнинг байрамни муносиб кутиб олишлари учун таниқли санъаткорлар, шоу усталари, хаттоки хорижлик диджейларни ҳам таклиф этишган. 

Шу ернинг ўзида бу унутилмас лаҳзаларни тарихга муҳрлаш учун қорбобо ва қорқиз, эртак қаҳрамонлари ҳам жам бўлишган. Хуллас, барча-барчаси юртимиз аҳолиси ва келаётган меҳмонларнинг юқори кайфиятда, яхши таъсуротлар билан байрамни нишонлашлари учун қаратилгандирБундан ташқари пойтахт туманларида, аҳоли учун қулай бўлган 17 та ҳудудида ҳам улкан байрам арчалари ўрнатилиб, кўнгилочар тадбирлар ташкил этилмоқда. Ушбу байрам дастурлари болажонларнинг қишки таътилига тўғри келгани боис 8 январга қадар давом эттириш кўзда тутилган. 

<iframe width="650" height="420" src="https://www.youtube.com/embed/vfTNk0MfZAs" title="Yangi yil tomoshalari davom etmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Санжар Тошпўлатов, Дониёр Якубов (видео), ЎзА