Турар жойга эга бўлиш – аҳоли ҳаётий эҳтиёжлари ичида энг муҳими саналади, шу боис бу юртимиз иқтисодиётининг етакчи соҳаларидандир.  

Ортда қолаётган 2025 йилнинг январь-август ойларида Ўзбекистонда 35,4 триллион сўмлик якка тартибдаги уй-жой қуриш ишлари бажарилган. Бу кўрсаткич 2024 йилнинг мос даври билан солиштирилганда 13,3 фоизга ошган.

Бугунги кунда Янги Тошкент шаҳрида қарийб 95 гектар майдонни қамраган “Шарқ баҳори” турар жой мажмуаси барпо этилмоқда. Мажмуада 15 мингга яқин хонадон мавжуд.

Мазкур мажмуа ҳудуддаги энг йирик лойиҳа бўлиб, айни кунга қадар 1 миллион 800 квадрат метрдан ортиқ қурилиш ишлари бажарилди.

Президент Шавкат Мирзиёев Янги Тошкент шаҳрига ташрифи асносида бу ерда барпо этилаётган аҳоли турар жойлари мажмуасини кўздан кечирди.

Мажмуа 15 мингдан ортиқ дарахт ва кўчатлар ўтқазилган яшил ҳудудни ўз ичига олади.

Батафсил:

<iframe width="640" height="480" src="https://www.youtube.com/embed/6wpfd8yXx98?si=Vm2jhJXWgpVtROLJ" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Абдулазиз РУСТАМОВ, Анвархўжа Аҳмедов, ЎзА