Ўзбекистон Миллий университетида давлат-хусусий шерикчилик асосида барпо этилган янги 12 қаватли ётоқхона 1000 нафар талаба учун замонавий ётоқхона қуриб битказилди.

Ётоқхона меҳмонхона услубида лойиҳалаштирилган бўлиб, ҳар бир секция 4–6 нафар талаба учун мўлжалланган. Секция ичида алоҳида ошхона, санузел ва душ хоналари, замонавий маиший техника ва мебеллар, ҳамда қулай иситиш-совитиш тизимлари мавжуд.

Бинонинг 1–2-қаватларида талабалар учун хизмат кўрсатиш марказлари, савдо ва овқатланиш шаҳобчалари фаолият юритади. Замонавий архитектура асосида қурилган мажмуа халқаро стандартларга тўлиқ жавоб беради ва талабалар учун юқори даражадаги яшаш ҳамда таълим олиш имкониятларини яратади.

Мазкур ётоқхона нафақат талабаларнинг фаровон турмуш кечиришига, балки билим олиш жараёнини самарали ва мазмунли ташкил этишга ҳам хизмат қилади.

<iframe width="560" height="315" src="https://www.youtube.com/embed/TXkxPOBGBQA?si=vqd2jDN5x0I1pgdc" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Зиёвуддин Нуриддинов, Искандар Исметов, Аслиддин Алижонов, ЎзА