“Тузоқ” ижодкорнинг аввалги китобларидан бирмунча баланд ва бадиий бўёқларга бойлиги билан ажралиб туради.

Китобни мутолаа қиларкансиз, воқеалар халқ оҳангларига ҳамоҳанг эканлигига гувоҳ бўласиз. Айниқса, оғзаки равишда оғиздан-оғизга ўтиб келаётган воқеаномалар ўқувчини бефарқ қолдирмайди. Аксинча, кишида қизиқиш уйғотади, тарихимизнинг ноёб дурдоналарини билишга чорлайди.

“Тузоқ” ва “Оқ ўтовнинг мунгли ўлани” қиссалари ҳамда “Кайвони момом чўпчаклари” туркумидаги ва бошқа ҳикоялари ана шундай хусусиятларга эгалиги билан ажралиб туради. Зеро, ушбу тўпламда халқнинг дарди тараннум этилган.

Китоб Ахборот ва оммавий коммуникациялар агентлигининг Чўлпон номидаги нашриёт-матбаа ижодий уйида чоп этилган. Адади беш минг нусха.