Apple'нинг уч йиллик режаси Apple яқин уч йил ичида iPhone линиясида катта ўзгаришларни режалаштирган. Бу ўзгаришлар сиз кутганингиздан ҳам жиддийроқ бўлади. Бу йил сентябрь ойида iPhone 17 Air тақдим этилади.У iPhone 16 Plusнинг ўрнини эгаллайди, лекин анча юпқа ва енгил бўлади.

Орқа томонда фақат битта камера бўлади, батарея эса кичикроқ.Энг катта фарқи – бу iPhone'да жисмоний SIM йўқ, фақат eSIM ишлатилади. Шунингдек, Apple ўзининг ишлаб чиқарган янги модемини ҳам шу моделга ўрнатади. Кейинги йил, яъни 2026-да, Apple илк бор букиладиган iPhoneни чиқаради.

Унда тўртта камера, ташқи ва ички экранлар, ҳамда букилиш жойи кўринмайдиган янги дисплей технологияси бўлади. Яна бир янгилик – бу моделда Appleнинг C2 номли янги модеми ишлатилади.

2027 йил iPhone бренди учун 20 йиллик юбилей. Шу муносабат билан Apple тарихидаги энг катта дизайн ўзгаришини амалга оширади.

iPhone 20 – бу эгри ойнали, футуристик корпусга эга, бутунлай янгиланган модел бўлади. Бу – iPhone Хдан кейинги энг катта бурилиш бўлиши мумкин.

Эслатиб ўтамиз, Appleнинг йиллик тадбири 9 сентябрь куни ўтказилади. Тошкент вақти билан соат 22:00 да бошланади.

<iframe width="560" height="315" src="https://www.youtube.com/embed/r4O_3M7iOUo?si=-YszuWBIm9O-FQj5" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Улуғбек Тўхтаев, ЎзА