Қорақалпоғистон Республикасининг Мўйноқ туманида Буюк Британиянинг BBC телерадиокорпорациясининг бўлинмаси — BBC Natural History нинг суратга олиш гуруҳи ўз ишини давом эттирмоқда.

Бу жамоанинг сўнгги бир йил ичида Ўзбекистонга учинчи ташрифи бўлди. Ташрифдан кутилган мақсад — сайёрамизнинг биологик хилма-хиллигига бағишланган “Home: Asia” ҳужжатли сериалининг эпизодларидан бирини суратга олиш. Лойиҳа National Geographic билан ҳамкорликда Disney+ платформаси учун амалга оширилмоқда.

Айни пайтда ижодий гуруҳ Орол денгизининг собиқ туби — ноёб экотизимга айланган Оролқум чўлининг ёввойи табиатини тасвирга олмоқда. Жамоа асосий эътиборни ҳайратланарли даражада гўзал чўл ландшафтларида яшовчи ноёб фауна турларига қаратади.

Довуд Абибуллаев, ЎзА мухбири