Мамлакатимизда жисмоний тарбия ва спорт ҳаракати янги босқичга кўтарилаётгани халқаро майдонда эришилаётган муваффақиятларда ўз аксини топмоқда.

Ўтаётган йил давомида юртимиз спортчилари бир қатор комплекс мусобақаларда оламшумул натижаларга эришди. Олимпия ва паралимпия йўналишидаги спорт турларида 50 дан зиёд жаҳон ва қитъа чемпионатларида 700 га яқин медаллар шодаси қўлга киритилгани Ўзбекистон спортининг халқаро нуфузи йилдан йилга юксалиб бораётганидан далолат.  

Куни кеча Бирлашган Араб Амирликларида 35 давлатнинг 1 минг 312 нафар ёш пара спортчилари иштирокидаги муросасиз баҳсларда матонат ва ирода соҳиби бўлган ҳамюртларимизнинг 99 та олтин, 57 та кумуш ва 41 та бронза медалига эгалик қилган ҳолда умумжамоа ҳисобида 1-ўринни эгаллагани Янги Ўзбекистон ёшларининг салоҳиятини яна бир бор яққол намоён этди.

Пойтахтимиздаги "Олимпия шаҳарчаси"да V ёшлар Пара Осиё ўйинларида юртимиз шарафини муносиб ҳимоя қилган ёш пара спортчилар ва уларнинг мураббийларини тақдирлашга бағишланган тантанали маросим бўлиб ўтди.

Тадбирда Ўзбекистон Республикаси Президенти Шавкат Мирзиёевнинг V ёшлар Пара Осиё ўйинларида Ватанимиз шарафини муносиб ҳимоя этган ёш пара спортчиларимизга йўллаган табриги ўқиб эшиттирилди.

<iframe width="560" height="315" src="https://www.youtube.com/embed/EQrGv_sMKb8?si=5zdKREiUivFs6mg3" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Тўлқин Рўзиев, Жавоҳир Тошхўжаев, 
Анвархўжа Аҳмедов, ЎзА