Benin Harbiy dengiz kuchlari masʼullari xabariga koʻra, nomaʼlum kishilar tomonidan Koton shahri yaqinida qirgʻoqda turgan “Tommi Ritscher” konteynerli yuk tashish kemasi ishgʻol qilingan.

Portugaliya bayrogʻi ostida harakatlanuvchi mazkur kema yonigacha qaroqchilar katerda yetib borishgan. Dengizchilarning bir qismi maxsus himoyalangan binoga yashirinishga ulgurishdi.

Hozirgi paytda konteyner tashuvchi kema Benin Harbiy dengiz kuchlari tomonidan mamlakatga tegishli suv hududida qoʻriqlovchi katerlar bilan oʻrab olingan.